राष्ट्रिय स्वतन्त्र पार्टीले दुई तिहाइ बहुमतसहित निर्वाचन जितेकोमा बधाई

राष्ट्रिय स्वतन्त्र पार्टीले दुई तिहाइ बहुमतसहित निर्वाचन जितेकोमा बधाई सहित यस्तो छ लामो समय जापानको निकायमा कार्यरत एक नेपालीको सुझाव ।

जनताले दिएको यो म्यान्डेट केवल सरकार गठनका लागि मात्र होइन, देशको शासन प्रणाली सुधार गर्ने ऐतिहासिक अवसर पनि हो। अब हुने प्रधानमन्त्री बालेन शाहको नेतृत्वमा निम्न प्रमुख क्षेत्रहरूमा तत्काल र संरचनात्मक सुधार आवश्यक देखिन्छ।

1. भ्रष्टाचार नियन्त्रण र पारदर्शिता

•अख्तियार दुरुपयोग अनुसन्धान आयोग (CIAA) लाई पूर्ण रूपमा स्वतन्त्र र शक्तिशाली बनाउने। २०४६ साल पछि सत्ता मा रहेका को सम्पति छानबिन।

•सार्वजनिक खरिद, ठेक्का प्रणाली र सरकारी खर्चलाई डिजिटल ट्र्याकिङ प्रणाली मार्फत पारदर्शी बनाउने।

• उच्च पदस्थ राजनीतिज्ञ र कर्मचारीको सम्पत्ति अनिवार्य सार्वजनिक घोषणा।

•“Zero tolerance for corruption” नीति कार्यान्वयन।

2. प्रशासनिक सुधार (सानो तर सक्षम सरकार)

•अनावश्यक मन्त्रालय र निकायहरू घटाएर छरितो र दक्ष प्रशासन निर्माण।

•सबै सरकारी सेवाहरू ई–गभर्नेन्स प्रणाली मार्फत अनलाइन उपलब्ध गराउने।

•“कसैलाई चिनेपछि मात्र काम हुने” संस्कृतिको अन्त्य गर्दै समयसीमा आधारित सेवा ग्यारेन्टी प्रणाली लागू गर्ने।

3. सुशासन र कानूनी राज्य

•न्याय प्रणालीमा ढिलाइ कम गर्न न्यायिक सुधार र डिजिटल अदालत प्रणाली।

•प्रहरी र प्रशासनलाई राजनीतिक प्रभावबाट मुक्त गर्दै मेरिट आधारित नियुक्ति प्रणाली लागू।

•स्थानीय सरकारलाई जिम्मेवार र पारदर्शी बनाउने।

4. समग्र आर्थिक तथा पूर्वाधार विकास

•जलविद्युत, सडक, रेल, केबलकार, डिजिटल पूर्वाधार जस्ता क्षेत्रमा दीर्घकालीन राष्ट्रिय मास्टरप्लान।

•उद्योग, पर्यटन, कृषि, आईटी तथा हरित ऊर्जा क्षेत्रमा विदेशी लगानी आकर्षित गर्ने।

•रोजगारी सिर्जना र विदेश पलायन घटाउने नीति।

5. शासन प्रणाली सुधार

•सानो तर सक्षम प्रशासन लागू।

•संघीय प्रणालीलाई कार्यक्षम बनाउँदै केन्द्र–प्रदेश–स्थानीय तहबीच स्पष्ट जिम्मेवारी निर्धारण।(प्रदेश खारेज गरेर सानो, सक्षम र विकेन्द्रित प्रशासनिक ढाँचा निर्माण )

•वित्तीय अनुशासन र सार्वजनिक खर्चमा परिणाम आधारित मूल्यांकन।

6. राष्ट्रिय पहिचान र सामाजिक एकता

•राजालाई राष्ट्रिय एकताको प्रतीकको रूपमा सम्मान गर्ने बहस लोकतान्त्रिक प्रक्रियामार्फत समाधान।(संवैधानिक राजतन्त्रको पुनर्स्थापना)

•हिन्दू सभ्यता र परम्परालाई सम्मान(हिन्दू परम्परामा आधारित हिन्दू राष्ट्र ) तर सबै धर्म र समुदायको अधिकार सुरक्षित गर्ने बहुलतावादी राज्य कायम।

•राष्ट्रिय एकता, सांस्कृतिक संरक्षण र आधुनिक लोकतान्त्रिक मूल्यबीच सन्तुलन।

7. विदेश नीति र विकास साझेदारी

•भारत, चीन, अमेरिका, जापान, युरोपसँग सन्तुलित र व्यवहारिक कूटनीति।

•जलविद्युत, पर्यटन, डिजिटल अर्थतन्त्र र पूर्वाधारमा विदेशी लगानी आकर्षण।

•प्रवासी नेपाली (NRN) लाई राष्ट्रिय विकासमा सक्रिय रूपमा सहभागी गराउने नीति।

नेपालका जनताले दिएको दुई तिहाइ म्यान्डेट पुराना राजनीतिक संस्कार परिवर्तन गर्ने ऐतिहासिक अवसर हो। अब छिटै प्रधानमन्त्री बालेन शाहको नेतृत्वमा भ्रष्टाचार नियन्त्रण, सुशासन, सक्षम प्रशासन र समग्र विकासलाई प्राथमिकता दिइयो भने नेपालले स्थिरता, समृद्धि र विश्वसनीय शासनतर्फ नयाँ युग सुरुवात हुने अपेक्षा गरेको छ!

@राम गिरी, जापान

matrisandesh.com